嘩嘩嘩，位於河南省安陽市殷都區安豐鄉西高穴村曹操高陵遺址博物館終於喺日上午正式開館，周六起就會正式向公眾開放。
曹操高陵遺址博物館基本陳列分為遺址展示以及室內展示兩個區域，而其實呢個墓葬早喺2008年就展開搶救性發掘，並且喺2008年先至被確認為魏武帝曹操陵墓，但講到基本確認搵到曹操遺骸，就要等到2018年，可見呢項考古研究真係歷時多年。
咁既然係新館開張，自然就會有唔少特別嘅活動歡迎市民，例如今次就會舉行一個完整背誦詩歌者免費入場嘅活動。曹操高陵遺址博物館正常嘅門票價錢就係50元人民幣/人次，但假如大家能夠喺現場背到相應嘅詩歌，呢個門票就唔需要支付。而喺呢個咁重要嘅日子，曾經喺94版電視劇《三國演義》出演過曹操嘅扮演者鮑國安就朗誦詩作《短歌行》，佢仲表示自己出演過曹操咁耐，依家終於有個機會可以拜謁曹公，真係相當感動。
原圖嚟自網絡